Elimizdiń úsh oblysynda aýa raıyna baılanysty eskertý jarııalandy
ASTANA. QazAqparat - Elimizdiń úsh óńirinde aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.
Sınoptıkter 16 aqpan kúni tańerteń jáne kúndiz Qostanaı oblysynyń keı jerlerinde jaıaý burqasyn bolyp, tuman túsetinin boljap otyr. Ońtústik-batys baǵyttan soǵatyn jeldiń jyldamdyǵy 15-20 m/s deıin jetedi. Sol kúni Qostanaı qalasynda jaıaý burqasyn bolyp, ońtústik-batystan 15-20 m/s jyldamdyqpen jel soǵady.
Daýyl turý yqtımaldyǵy - 90-95 %.
16 aqpan kúni Batys Qazaqstan oblysynyń keıbir jerlerinde burqasyn bolyp, tuman túsedi, kóktaıǵaq bolady. Túnde soltústik-batys, batystan soǵatyn jeldiń kúshi 15 m/s deıin jetýi yqtımal.
Oral qalasynda burqasyn, tuman, kóktaıǵaq bolyp, túnde soltústik-batys, batys jaqtan 18 m/s deıin jel turady.
Daýyl turý yqtımaldyǵy - 90-95 %.
16 aqpan kúni Soltústik Qazaqstan oblysynyń keıbir jerlerinde burqasyn bolýy yqtımal. Ońtústik-batystan soǵatyn jeldiń kúshi túnde keı jerlerde 15-20 m/s, kúndiz basym bóliginde15-20 m/s deıin jetetini boljanyp otyr.
16 aqpan kúni kúndiz Petropavl qalasynda burqasyn bolady. Ońtústik-batystan soǵatyn jeldiń kúshi 15-20 m/sdeıin jetýi yqtımal.
Daýyl turý yqtımaldyǵy - 90-95 %.
