Elimizdiń ulttyq aqparattyq keńistigi bizdiń qalamyzda qalyptasady - Ahmetjan Esimov
MATY. 16 tamyz. QazAqparat /Erlik Erjanuly/ - Almatyda 6 myńnan asa sheteldik aqparat quraldary taralady. Bul týraly búgin Almatyda ótip jatqan IV «Qalamger - Azamat» jas jýrnalıster forýmynda aıtyldy.
«Almaty qalasy túrli qoǵamdyq saıası kúshterdiń, BAQ-tyń tyǵyz ornalasqan ortasy bolyp sanalady. Kóptegen respýblıkalyq baspasózder men teleradıo kompanııalarynyń bas redaktsııalary osynda ornalasqan. Sondyqtan elimizdiń ulttyq aqparattyq keńistigi bizdiń qalamyzda qalyptasady dep aıtýǵa bolady. Qazirgi ýaqytta qalamyzda 510 gazet, 730 jýrnal, 46 elektrondyq buqaralyq aqparat quraldary tirkelgen», - deıdi forýmǵa qatysýshylarǵa joldaǵan quttyqtaý hatynda qala ákimi Ahmetjan Esimov.
Shahar basshysynyń aıtýynsha, ókinishke oraı, onyń ishinde qazaq tildi baspasózdiń úlesi tómen. Qazaq gazetteri men jýrnaldarynyń Qazaqstanda satylý tırajy 10 paıyzdy ǵana quraıdy. Osynyń ózi elimizdegi jýrnalıstıka salasynyń tıisti deńgeıde damymaı otyrǵanyn jáne kásibı mamandardy daıyndaýdyń tómendigin kórsetedi.
