Elimizdiń túrmelerinde Mońǵolııanyń 5 azamaty jazasyn óteýde

ASTANA. QazAqparat - QR Bas Prokýrory Qaırat Qojamjarovtyń Mońǵolııanyń Bas Prokýrorynyń orynbasary Erdenebat Ganbatpen kezdesti. Bul týraly QazAqparat Bas prokýratýrasynyń baspasóz qyzmetine silteme jasap habarlaıdy.

Qadaǵalaýshy vedomstvolardyń basshylary transulttyq qylmysqa, ekstremızm men terrorızmge qarsy turý máselelerin talqylady.

Eki eldiń arasynda jasalǵan qylmystyq ister boıynsha ekstradıtsııalaý jáne quqyqtyq kómek týraly, sottalǵan adamdardy berý týraly eki jaqty sharttar jetkilikti dárejede iske asyrylyp jatqany atap ótildi.

Búgingi kúni Qazaqstannyń túzeý mekemelerinde Mońǵolııanyń 5 azamaty jazasyn óteýde.

«Aǵymdaǵy jyldyń 29 naýryzynda sottalǵandardy berý týraly shartqa qol qoıylǵannan keıin, qylmysqa qarsy kúres salasynda eki eldiń arasynda tolyq  halyqaralyq-quqyqtyq bazaǵa qol jetkizdik», - dep atap ótti Q.Qojamjarov.

Erdenebat Ganbat syndarly yntymaqtastyqqa jáne quqyqtyq saladaǵy qatynastardy odan ári keńeıtý máselelerin talqylaýǵa múmkindik bergeni úshin Qaırat Qojamjarovqa alǵysyn bildirdi.

Sonymen birge qazaqstandyq áriptesine ózara tıimdi suhbatty jalǵastyrýǵa daıyn ekendigin bildirdi.