Elimizdiń turǵyndarynyń ózderiniń azamat retindegi qajettilikterin máslıhattar arqyly jetkizý jaǵdaılary artyp keledi - Astana qalalyq máslıhatynyń depýtaty
ASTANA. 29 qyrkúıek. QazAqparat /Aıdar Ospanalıev/ -«Demokratııa halyq bıligi degen uǵymdy bildiretin bolsa, osy uǵymǵa saı organ nemese memleket qalyptastyrýda halyqtyń muń-muqtajyn jetkizetin saıası kúsh - jergilikti atqarýshy organdar bolyp tabylady.
Tap osy máslıhattardyń kómegimen azamattar saıası-áleýmettik máselelerge óz kózqarastaryn bildire alady»,-deıdi Astana qalalyq máslıhatynyń depýtaty Mıras Shekenov. Bul pikirin ol búgin Parlament Májilisinde ótken «Bıliktiń jergilikti ókildi organdarynyń Qazaqstan táýelsizdiginiń qalyptasýyndaǵy róli» atty dóńgelek ústel otyrysynda bildirdi.
Depýtattyń sózinshe, Qazaqstandaǵy eń birinshi saılaý 1994 jyldyń 7-shi mamyrynda ótti jáne bul saılaý Qazaqstan táýelsizdiginiń ornaýyndaǵy mańyzdy oqıǵalardyń birine aınaldy. «Sondaı-aq
bul elimizdi demokratııalyq baǵytta basqarý sharasynyń kezekti qadamy boldy. Tap osy máslıhattar arqyly qazaqstandyqtar bılik qabyldaǵan sheshimderge shyn máninde yqpal etýge múmkindik aldy. Jergilikti atqarýshy organdar qazirgi zamanǵy demokratııanyń ózegi dese bolady. Atalmysh organdarsyz azamattyq qoǵam ornatý týraly áńgime qozǵaýdyń ózi artyq»,-dedi depýtat.
Onyń paıymdaýynsha, tolyqqandy pisip, jetilgen azamattyq qoǵamdy tek jergilikti atqarýshy organ qyzmeti arqyly ornatýǵa bolady. «Sondyqtan da bizde atalmysh bılik tarmaǵyna degen kózqaras erekshe. Bul rette sońǵy ýaqytta elimizdiń turǵyndarynyń ózderiniń azamat retindegi qajettilikterin máslıhattar arqyly jetkizý jaǵdaılarynyń artyp kele jatqandyǵyn atap ótý kerek»,-deıdi M.Shekenov.
