Elimizdiń turǵyn úı qorynyń 98 paıyzy jeke menshikte
ASTANA. Qańtardyń 12-si. QazAqparat /Rýslan Ǵabbasov/ - Elimizdiń turǵyn úı qory 270 mıllıon sharshy metrdi quraıdy. Onyń 260 mıllıon sharshy metri nemese 98 paıyzy jeke menshikte.
Bul týraly búgin Úkimet otyrysynda Qurylys isteri jáne turǵyn úı kommýnaldyq sharýashylyǵy jónindegi agenttiktiń tóraǵasy Serik Nokın aıtty, dep habarlaıdy QazAqparat.
Onyń sózine qaraǵanda, kóp páterli úılerlerdiń aýmaǵy, ıaǵnı, kondomınımým nysandarynyń úlesi 157 mıllıon sharshy metrdi quraıdy. Onyń ishinde 50 mıllıon sharshy metrden astamy nemese 32 paıyzy jóndeý jumystaryn qajet etedi, sondaı-aq 4 mıllıon sharshy metri (2 paıyzy) apattyq turǵyn úıler sanatynda.
