Elimizdiń turaqty damýy men gúldenýi eń aldymen jastarǵa baılanysty - Akademııa rektory B.Ábdirasilov
Búgin QR Prezıdenti janyndaǵy Memlekettik basqarý akademııasynda ótken dóńgelek ústel jıyny barysynda akademııa rektory Bolatbek Ábdirásilov osylaı málim etti.
«Keshegi Qazaqstan halqy Assambleıasynyń HІH sessııasynda sóz sóılegen Elbasy Nursultan Nazarbaev jastar máselesine erekshe nazar aýdardy. Buǵan Prezıdenttiń óz baıandamasynda «jastar» sóziniń otyz ret qaıtalanǵanyn atasaq ta jetkilikti. Bul árıne bizdi qýantady. Óıtkeni, eger biz jastar isin damytý máselesine memleket áleýetin jumyldyrsaq, onda bizdiń elimizdiń turaqtylyǵy da, memleketimiz ben halyqtarymyzdyń gúldene damýy da sol jastarǵa qatysty bolatyny aıqyn», - deıdi B.Ábdirásilov.
Esterińizge sala keteıik, jıynǵa Qazaqstan halqy Assambleıasynyń ǵylymı‑saraptamalyq keńes músheleri, oblystyq ǵylymı‑saraptamalyq top basshylary, Memlekettik basqarý akademııasynyń prefessorlyq oqytýshylar quramy qatysqan bolatyn. Meımandar arasynda sondaı‑aq, «LADE» halyqaralyq bilim berýdi damytý qaýymdastyǵynyń prezıdenti Lara Sheıko, Qazaqstan jazýshylar odaǵynyń múshesi Lıýbov Shashkova da bolǵan edi.
Dóńgelek ústel aıasynda qatysýshylar aǵymdaǵy jylǵy QR Prezıdenti N. Nazarbaevtyń halyqqa Joldaýy men Qazaqstan halqy Assambleıasynyń 19-sessııasynda alǵa qoıylǵan qoǵamdaǵy turaqtylyq, birlik pen toleranttylyqty saqtaýǵa qatysty jańa qadamdar men máselelerdi talqyǵa saldy.
