Elimizdiń tórt óńirinde eskertý jarııalandy
NUR-SULTAN. QazAqparat - Aýa raıynyń buzylýyna baılanysty birqatar óńirde eskertý jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.
7 jeltoqsanda Qyzylorda oblysynda ońtústik-batystan soqqan jel kúsheıip, ekpini keı jerlerde 15-20 m/s jetedi.
Osy kúni Soltústik Qazaqstan oblysynyń ortalyǵy Petropavl qalasynda burqasyn kóterilip, kóktaıǵaq bolady. Ońtústik-batystan jel soǵady. Jel jyldamdyǵy sekýndyna 15-20, 23-28 metrge deıin kúsheıedi.
7 jeltoqsanda Qostanaı oblysynda ońtústik-batystan soqqan jeldiń kúshi - 15-20, ekpini 23 m/s bolady. Keı jerlerde burqasyn jáne kóktaıǵaq kútiledi.
Osy kúni Qostanaı qalasynda ońtústik-batystan jel soǵady. Jel qarqyny - 15-20 m/s. Túnde burqasyn kóteriledi.
7 jeltoqsanda Aqtóbe oblysynyń keı jerlerinde jaıaý burqasyn bolady. Tuman túsip, kóktaıǵaq kútiledi. Ońtústik-batystan jel soǵady. Keı jerlerde jel ekpini sekýndyna 15-20, túnde 23 metrge deıin jetedi.
Osy kúni Aqtóbe qalasynda tuman túsedi. Ońtústik-batystan sekýndyna 16 metr jyldamdyqpen jel soǵady.
