Elimizdiń tórt óńirinde aýa raıyna baılanysty eskertý jarııalandy

NUR-SULTAN. QazAqparat –Almaty, Qyzylorda, Qaraǵandy jáne Soltústik Qazaqstan obystarynda aýa raıyna baılanysty eskertý jarııalandy, dep habarlaıdy QazAqparat «Qazgıdromet» RMK-ǵa silteme jasap.

1 maýsymda Almaty oblysynyń shyǵysynda, soltústiginde jáne taýly, taý bókterindegi aýdandarda naızaǵaı oınaıdy. Soltústik-shyǵystan jel soǵady, oblystyń shyǵysynda jeldiń kúshi – 17-22, ekpini – 27 m/s. Taldyqorǵan qalasynda 1 maýsymda kún kúrkireıdi. Soltústik-shyǵystan jel soǵady, naızaǵaı kezinde ekpini 15-20 m/s-qa jetedi.

1 maýsymda kúndiz Qyzylorda oblysynyń ortalyǵyn jáne ońtústigin shańdy daýyl basady. Jel soltústik-shyǵystan, soltústikten soǵady, kúndiz oblystyń ortalyǵynda jáne ońtústiginde kúshi – 15-20 m/s. Oblystyń ortalyǵynda tótenshe órt qaýpi saqtalady. Qyzylorda qalasynda 1 maýsymda tótenshe órt qaýpi saqtalady.

1 maýsymda Qaraǵandy oblysynyń soltústiginde, shyǵysynda naızaǵaı, burshaq, daýyl kútiledi. Soltústik-batystan jel soǵady, oblystyń soltústiginde, shyǵysynda ekpini – 15-20, kúndiz – 23 m/s.

1 maýsymda Soltústik Qazaqstan oblysynyń soltústiginde, shyǵysynda naızaǵaı, burshaq, daýyl kútiledi. Soltústik-batystan, soltústikten jel soǵady, túnde oblystyń soltústiginde, shyǵysynda kúshi – 15-20 m/s, kúndiz basym bóliginde 15-20 m–/s, ekpini 25 m/s. Petropavl qalasynda 1 maýsymda túnde naızaǵaı, burshaq, daýyl kútiledi. Soltústik-batystan, soltústikten jel soǵady, kúshi – 5-20 m/s, kúndiz ekpini 25 m/s-jetedi.