Elimizdiń tórt oblysynda jol jabyldy
ASTANA. QazAqparat - Aýa raıynyń qolaısyzdyǵyna baılanysty elimizdiń birqatar óńirlerinde joldar jabyldy, dep habarlanǵan QR ІІM Tótenshe jaǵdaılar komıtetiniń saıtynda.
23 qarasha kúni keshki saǵat 20.00-den bastap kóktaıǵaqqa baılanysty Aqtóbe oblysynda Qostanaı oblysynyń shekarasyna deıingi 203-231 shaqyrymdarda "Qarabutaq-Komsomol" tas joly barlyq kólik túrleri úshin jabyldy. Jańbyrǵa, kóktaıǵaqqa baılanysty Qostanaı oblysynda barlyq baǵyttar boıynsha joldar jabyldy. Sondaı-aq 23 qarasha kúngi saǵat 21.30-dan bastap Soltústik Qazaqstan oblysynda barlyq baǵyttar boıynsha jol qozǵalysy shekteldi. Pavlodar oblysynda 23 qarasha kúngi keshki saǵat 19.00-den bastap kóktaıǵaqqa baılanysty "Pavlodar-Astana", "Pavlodar-Qaraǵandy", "Qalqaman-Qaraǵandy", "Ýlıanov-Kerneı-Baıanaýyl-Maıqaıyń-Qalqaman" tas joldary, saǵat 23.50-den bastap "Omby-Maıqapshaǵaı" tas joldary barlyq kólikter úshin jabyq.
