Elimizdiń temir jol júıesi boıynda jańa optıkalyq talshyqty jeli iske qosyldy

Atalǵan jeliniń iske qosylýy sharasyna QR Baılanys jáne aqparat mınıstri Asqar Jumaǵalıev pen «Qazaqstan temir joly» AQ-nyń prezıdenti Asqar Mamın qatysty. Bul jeli tranzıttik jáne respýblıka aýmaǵyndaǵy temir jol tasymalyn senimdi aqparatpen qamtýǵa negizdelgen.

«Biz baılynystyń magıstraldik jelisin tartyp, joǵary jyldamdyqty málimet taratýdy elimizdiń kóptegen óńirlerine jetkizip otyrmyz. Endi barsha temir jol boıynda osy jelini tartý bizdiń maqsatymyz retinde belgilenýde. Atap aıtqanda. taǵy da 7 myń shaqyrymǵa jýyq jelini iske qosý kerek», - dedi «Transtelekom» AQ-nyń prezıdenti Mirbolat Aıýpov.

Onyń paıymdaýynsha, bul baǵyttaǵy jumystar jaqyn arada sheshiletin bolady. «Osy arqyly elimizdiń barlyq óńirleri bul jelimen qamtylady. Bul turǵyda joǵary jyldamdyqty Internetti temir jol salasy men jol boıyndaǵy eldi mekender paıdalana alady»,-dedi kompanııa basshysy.

Taratylǵan málimetterge qaraǵanda, optıkalyq talshyqty baılanys jelisi respýblıka temir jolynyń Astana-Pavlodar-Semeı-Aqtoǵaı, Shý-Arys-Qyzylorda-Qandyaǵash, Kókshetaý-Jańaesil-Qostanaı óńirleri arqyly strategııalyq jelilerin basyp ótedi. Barlyǵy 4 myń shaqyrymǵa jýyqtaıdy. Baılanys jelisiniń qurylysyn QTJ-nyń enshiles kásiporny - «Transtelekom» kompanııasy byltyrǵy jyldyń birinshi jartysynan bastaǵan, bul jumystar bıyl tamynda aıaqtaldy. Qurylys jumystary QTJ men «Jolaýshylar tasymaly» AQ kepildigimen «Transtelekom» AQ-nyń esebine Eýropalyq qaıta qurý jáne damý bankiniń nesılik jelisimen qarjylandyryldy.