Elimizdiń tas joldarynan 250 adam evakýatsııalandy
ASTANA. QazAqparat - Sársenbi kúni elimizdiń tas joldarynda qar qursaýynda qalǵan 250 adamǵa kómek kórsetildi, dep habarlaıdy «QazAqparat» HAA QR ІІM TJK baspasóz qyzmetine silteme jasap.
Joldardyń jabylýyna baılanysty avtovokzal men Astana-Omby baǵytyndaǵy «Mersedes» avtobýsynan 27 RF jáne 36 Tájikstan azamaty jylytý beketine jetkizildi. Olardyń ishinde 6 bala bar.
Qaraǵandy oblysynda joldan ushyp ketken avtobýstan 27 adam evakýatsııalandy. Temirtaýdan 26 shaqyrym jerde synǵan avtobýstan taǵy 53 adam qaýipsiz jerge jetkizildi. ShQO-da Óskemen-Pavlodar baǵytyndaǵy avtobýstan 44 adam jyly jerge jetkizildi.
Arqalyq-Torǵaı jolynda qarǵa batqan VAZ kóliginiń 4 jolaýshysy qutqaryldy.
Aqtóbe oblysynda joldan taıyp ketken «Gazelden» 3 Ózbekstan jáne 1 Reseı azamaty evakýatsııalandy.
Pavlodar oblysynda 4 avtobýs joldan shyǵyp ketti. Olardyń ekeýi jolǵa qaıta shyǵaryldy. Basqa avtobýstaǵy jolaýshylar jylytý beketterine jetkizildi.
7 naýryz kúni Alakóldiń muzyna avtomobılderimen túsip ketken 4 balyqshy qutqaryldy.
«4 adam qutqarylyp, 251 adam evakýatsııalandy, olardyń 13-i bala. Jylytý beketterindegi adamdar úılerine qaıtaryldy»,-dep habarlaıdy TJK.
