Elimizdiń tanymal ánshileri Astana kóshelerinde kóshpeli kontsert beredi
ASTANA. qazAqparat - «Astana Shattyq» shyǵarmashylyq kerýeni qalanyń turǵyn úı alaptarynda osymen besinshi jyl qatarynan ótkizilmek. Avtokerýen Astana qalasy turǵyn úı alaptary turǵyndaryna arnalǵan kóshpeli kontsertten turady. Kontserttik baǵdarlamaǵa túrli óner janrlary men baǵyttary engizilgen. Ásirese oǵan otandyq estrada juldyzdarynyń qatysýy erekshe ár bermek.
Bul týraly Astana qalasynyń 16 jyldyǵyna arnalǵan merekelik sharalardy daıyndaý jáne ótkizý jónindegi uıymdastyrý komıtetiniń medıa-shtaby habarlady. Bıylǵy baǵdarlama aıasynda Altynaı Jorabaeva, «MYSTERIONS» toby, Baýyrjan Nurymbetov, Aqbıkesh, «Arnaý» bı ansambili, zamanaýı óńdeýdegi dombyrashy Juldyz Jabelova, sıqyrshy Sultanbekov Aıdarhan, akademııalyq oryndaýshy Nazym Saǵyntaı, QR eńbek sińirgen mádenıet qaıratkeri Murat Nurǵazıev syndy otandyq estrada juldyzdary men KVN ártisteri óner kórsetedi
Kontserttik baǵdarlamaǵa qatysýshylar arasynda tanymal estrada juldyzdarymen qatar ónerge jańa qadam basqan jas ánshiler, ártister, bı ujymdary bar. Atalmysh avtokerýen olardyń óz ónerin tanystyryp, kórermenderge dáripteýi úshin taptyrmas alań bolary sózsiz. Avtokerýen baǵdarlamasy kishkentaı balalar men eresekter talǵamyn tustastaı qamtıdy. Bıyl avtokerýen úsh aýdandaǵy kelesi turǵyn úı alaptarynda ótedi: Temirjolshylar kenti, Mıchýrıno, Prıgorodnyı, Zarechnyı, Óndiris, Kóktal turǵyn úı alaptary.
