Elimizdiń sý aıdyndarynan 95,3 shaqyrym aý alyndy
NUR-SULTAN. QazAqparat - Búgin QR Ekologııa, geologııa jáne tabıǵı resýrstar mınıstrliginiń bastamasymen Qazaqstanda keń aýqymdy «Aýlardan taza – sý aıdyndary» atty ekologııalyq aktsııa ótti, dep habarlaıdy QazAqparat tilshisi.
«Aktsııaǵa elimizdiń ár óńirinen 5 100-den asa memlekettik organdardyń, qoǵamdyq uıymdardyń, tabıǵat qoldanýshylardyń, ekologııalyq uıymdardyń ókilderi men eriktiler qatysty. Qatysýshylar 79 sý aıdyny men ýchaskelerden 95,3 shaqyrym sıntetıkalyq tor men jaǵalaýlardan 121 tonna qoqys jınady», - delingen atalǵan mınıstrliktiń Orman sharýashylyǵy jáne janýarlar álemi komıtetiniń Facebook-tegi paraqshasynda jarııalanǵan aqparatta.
Komıtet málimetinshe, 431 sýda júzgish quralynyń kómegimen ózen men kólderdiń 61 685 gektar aýdany tazalanyp, sý túbindegi aýlardy jınaý úshin súńgýirler jumyldyrylǵan.
Aktsııanyń basty maqsaty – sý aıdyndaryn tastalǵan jáne zańsyz qoıylǵan aýlardan tazalap, qoǵamnyń nazaryn ózen men kólderdiń lastaný máselesine kóńil aýdartý, balyq resýrstaryn saqtaý.
Qazaqstannyń bıologııalyq ártúrliligin saqtaýǵa arnalǵan mundaı ekologııalyq shara áli óz jalǵasyn tabady.
