Elimizdiń sport vedomstvosy men «World Class» fıtnes klýby jelileri yntymaqtastyq týraly memorandýmǵa qol qoıdy
ASTANA. QazAqparat - Búgin QR Sport jáne dene shynyqtyrý isteri agenttigi «World Class» fıtnes klýby jelileri yntymaqtastyq týraly memorandýmǵa qol qoıdy. Qujatta agenttik tóraǵasynyń orynbasary Elsııar Qanaǵatov pen fıtnes klýb jelileriniń basshysy Tatıana Nıkıforova rásimdedi.
«Búgin biz «World Class» fıtnes klýby jelilerimen arada memorandýmǵa qol qoıdyq. Osyǵan oraı, aldaǵy ýaqytta osy ortalyqta fıtnes salasynyń mamandaryn oqytý, nusqaýshy daıyndaý qolǵa alynatyn boldy», - dedi E.Qanaǵatov.
Onyń atap ótýinshe, fıtnes salasynda jumys isteıtin nusqaýshylardyń biliktiligi joǵary ári dene shynyqtyrý isteriniń mamany bolýy tıis.
«Jalpy, Úkimet tarapynan sport salasyna zor kóńil bólinip kele jatqanyn bilesizder. Al qazirgi tańda memleket tarapynan júrgizilip jatqan jumystarymyzdyń taǵy biri baǵyty - jekemenshik bıznes salasyndaǵy sportty damytý bolyp otyr», - dedi ol.
