Elimizdiń sport salasynda sheshilmegen ózekti máselelerdiń biri kadrlarmen baılanysty - Týrızm jáne sport vıtse-mınıstri
ASTANA. 24 tamyz. QazAqparat /Aıdar Ospanalıev/ - «Elimizde sportty damytý jáne osy baǵyttaǵy Memleket basshysynyń tapsyrmalaryn oryndaýǵa kedergi bolyp otyrǵan máselelerdiń biri kadr rezervi»,-
deıdi Týrızm jáne sport vıtse - mınıstri Murat Omarov. Bul týraly ol búgin Premer-Mınıstrdiń orynbasary Erbol Orynbaev basqaratyn Densaýlyq saqtaý jónindegi úılestirý keńesiniń XV májilisinde aıtty.
Onyń sózinshe, osyǵan deıin jergilikti atqarýshy organdardyń qurylymyna júrgizilgen qaıta qurylymdaý jumystary alańdaýshylyq týdyryp otyr. «Mysaly, elimizdiń kóptegen aımaqtarynda Aqmola, Soltústik Qazaqstan jáne Qostanaı oblysynan basqa óńirlerde aýdandyq deńgeıde Dene shynyqtyrý jáne sport bólimderi qysqartyldy. Búginde aýdandyq deńgeıdegi sporttyq sharalarmen Mádenıet bólimindegi nemese bilim bóliminde isteıtin
bir ǵana maman aınalysady. Osy tektes máselelerdiń saldarynan sport salasynyń damýy tejelip qaldy. Osyǵan baılanysty Týrızm jáne sport mınıstrligi joǵary memlekettik organdardan osy máseleni sheshýge yqpal etýin suraıdy»,-deıdi vıtse-mınıstr.
