Elimizdiń soltústik, shyǵys jáne ortalyǵynda 30 gradýs aıaz bolady
NUR-SULTAN. QazAqparat - Sınoptıkter 11-13 qańtardaǵy aýa raıyna arnalǵan boljamyn jarııalady, dep habarlaıdy QazAqparat Qazgıdrometke silteme jasap.
Sınoptıkterdiń boljaýynsha, elimizge kelgen soltústik-batys antıtsıklony aıazdy týdyrady.
«Elimizdiń soltústik, ortalyq jáne shyǵys aımaqtaryna áli de soltústik- batys antıtsıklony yqpal etýde: keı jerlerde 30, jalpy 20-25 S-qa deıin aıaz bolady . 12 qańtarda soltústik jáne ońtústik tsıklondar ózderimen birge qar, boran ákeledi, sondaı-aq aýa temperatýrasy qysqa merzimdi kóteriledi . Alaıda 13 qańtarda sýyq soltústik-batys antıtsıklony artqa qaraı jyljyp, ózimen birge elimizdiń soltústik-batysy, soltústik, shyǵys jáne ortalyqqa qaıtadan 30 gradýsqa deıin aıaz ákeledi «, delingen habarlamada .
Al Qazaqstannyń ońtústik, ońtústik-shyǵys óńirlerine keletin bolsaq, munda ońtústik tsıklonnyń áserinen jaýyn-shashyn (jańbyr, qar) bolady, tuman túsip, kóktaıǵaq bolady, jel kúsheıip, sondaı-aq aýa temperatýrasynyń 2-10 gradýsqa birtindep kóterilýi múmkin.
