Elimizdiń soltústik óńirlerinde kúshti jel jáne qar aralas jańbyr jaýýyna baılanysty eskertý jarııalandy - Qazgıdromet
ASTANA. 31 qazan. QazAqparat - Aldaǵy kúnderi elimizdiń soltústik óńirlerinde kúshti jel jáne qar aralas jańbyr jaýýyna baılanysty eskertý jarııalandy. Bul týraly «Qazgıdromet» RMK-ǵa silteme jasap QR TJM baspasóz qyzmetinen habarlady.
«1 qarashada Qostanaı oblysynda, 1-2 qarashada Soltústik Qazaqstan, Aqmola oblystarynda, 2 qarashada Pavlodar oblysynda qar aralas jańbyr jaýady dep kútilýde, batys, ońtústik-batystan 15-20 m/s qatty jel soǵady, jel ekpini 28 m/s-qa jetýi yqtımal», - delingen «Qazgıdromet» habarlamasynda.
