Elimizdiń soltústik óńirinde 2 gradýsqa deıin kún sýytady - Qazgıdromet
ASTANA. QazAqparat - 28 mamyr kúni el aımaqtarynyń basym bóliginde atmosferalyq aýa aǵymynyń yǵysýyna baılanysty qubylmaly aýa raıy saqtalady, dep habarlaıdy «Qazgıdromet» RMK.
Kóptegen jerlerde kún kúrkirep, jańbyr jaýady, jel kúsheıedi. Tek ońtústik jáne ońtústik-shyǵys óńirlerde kún raıy ashyq bolady. Jambyl, Qyzylorda, Mańǵystaý, Atyraý, Batys Qazaqstan, Aqtóbe, Pavlodar, Qaraǵandy, Shyǵys Qazaqstan oblystarynda jeldiń ekpini 15-20 m/s deıin jetedi. Atyraý oblysynda shańdy burqasyn bolady. Aqmola oblysynyń keı bólikterinde tuman túsip, jel kúsheıedi - 15-20 m/s. Qostanaı oblysynda túnde tuman túsip, 15-20 m/s jel soǵady. Al Soltústik Qazaqstan oblysynda keı aımaqtarynda tuman túsip, túnde jeldiń ekpini 15-20 m/s deıin jetedi. Sondaı-aq osy óńirde túnde 0-2 gradýsqa deıin sýyq bolady, dep kútilýde. Kúndiz Almaty, Jambyl oblystarynda kún qatty ysıdy.
