Elimizdiń soltústigindegi birqatar óńirinde aýa raıyna baılanysty eskertý jarııalandy
NUR-SULTAN. QazAqparat - Aldaǵy kúnderi elimizdiń soltústigindegi birqatar óńirinde aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.
«5-6 maýsymda Soltústik Qazaqstan, Aqmola, 6 maýsymda Pavlodar oblystarynda jańbyr, keı jerlerde qatty jańbyr jaýady. Jel soltústik-batystan soǵady, keı jerlerde 15-20, ekpini 25 m/s. Keı jerlerde tuman, naızaǵaı, burshaq, daýyl kútiledi. Aýanyń temperatýrasy túnde 2-7, keı jerlerde 10, kúndiz 10-15, keı jerlerde 18 gradýsqa deıin tómendeıdi.
5 maýsymda Qostanaı oblysynda aýa temperatýrasy túnde 2-7, keı jerlerde 10, kúndiz 10-15, keı jerlerde 18 gradýsqa deıin tómendeıdi», delingen habarlamada.
