Elimizdiń soltústigi men shyǵysynda azdaǵan jaýyn-shashyn bolyp, jel kúsheıedi - Qazgıdromet
ASTANA. QazAqparat - 27 maýsym kúni respýblıkamyzdyń batysynda, soltústik-batysynda jáne soltústigi men shyǵysynda kún kúrkirep, azdaǵan jaýyn-shashyn bolyp, jel kúsheıedi. Al basqa óńirlerde kún ashyq, dep habarlaıdy QR TJM baspasóz qyzmeti «Qazgıdrometke» silteme jasap.
Shyǵys Qazaqstan, kúndiz Aqmola, Qostanaı, Jambyl, Mańǵystaý oblystarynda jeldiń kúsheıýi 15-20 m/s-qa deıin jetedi. Soltústik Qazaqstan oblysynda túnde keı jerlerde tuman túsip, kúndiz jeldiń ekpini 15-20 m/s deıin kúsheıedi. Sondaı-aq Aqmola, Atyraý, Aqtóbe, Qyzylorda, Ońtústik Qazaqstan, Jambyl, Almaty oblystarynda, Qostanaı, Pavlodar, Batys Qazaqstan, Soltústik Qazaqstan, Mańǵystaý, Shyǵys Qazaqstan oblystarynyń keı jerlerinde qatty ystyq bolady dep kútilýde. Ońtústikte, batys aımaqtyń keı bólikterinde, soltústik-batysta, soltústikte, ońtústik-shyǵysta jáne elimizdiń ortalyq óńirinde órt qaýpi joǵary bolady.
27-28 maýsym kúnderi kúndiz Qaraǵandy oblysynda, 28 maýsym kúni Almaty oblysynyń keı jerlerinde 41°C deıin qatty ystyq bolady dep kútilýde. Al Jambyl oblysynda kún 43°C deıin ysıdy.
