Elimizdiń shyǵysynda taǵy nóser jaýyn bolady - sınoptıkter
ÓSKEMEN. QazAqparat - Sınoptıkterdiń boljamynsha 16 naýryzdan bastap Shyǵys Qazaqstan oblysynda taǵy da nóser jaýyn bolýy múmkin, dep habarlaıdy QazAqparat tilshisi.
Bul aqparat oblystyq tótenshe jaǵdaılar departamentiniń resmı saıtynda jarııalandy.
«16 naýryzdan bastap Shyǵys Qazaqstanda mol jaýyn-shashyn kútilýde. Keı jerlerde nóser jańbyr bolýy múmkin. Aýa temperatýrasynyń kúrt jylynýy saldarynan jazyq jerlerde qarǵyn sý júrip, taýly ólkelerde tasqyn bolýy múmkin. Ózender arnasynan asyp, mańaıyna jaıylady dep kútilýde», - delingen departament málimetinde.
Qazirgi tańda oblys boıynsha ortasha aýa temperatýrasy - mınýs 16 gradýsty kórsetip tur.
14 naýryzda keı jerlerde jaıaý burqasyn soǵyp, jeldiń jyldamdyǵy 15-20 m/s-ke jetýi múmkin. Túnge qaraı tuman túsýi kútilýde.
