Elimizdiń shyǵysy men ońtústigindegi ózenderde sýdyń kúrt molaıýy kútilýde
ASTANA. KAZINFORM - Taıaýdaǵy táýlikterde Syrdarııa, Shý ózenderinde, sondaı-aq Almaty, Jambyl, Shyǵys Qazaqstan oblystaryndaǵy jáne respýblıkamyzdyń batysyndaǵy ózenderde seń buzylyp, sý deńgeıiniń molaıýy kútilýde, dep habarlaıdy QR TJM saıty.
Shyǵys Qazaqstan oblysynyń shaǵyn ózenderinde kúnniń jylynýy saldarynan qar erip, sý deńgeıi kóteriledi.
Ońtústik Qazaqstan jáne Jambyl oblystarynda jańbyrǵa baılanysty sý kóleminiń ulǵaıýy kútilýde.
Al Qaıraqqum sý qoımasyndaǵy sýdyń kemýinen Shardaradan Syrdarııaǵa bosatylatyn sýdyń birshama azaıǵany baıqalady.
