Elimizdiń shyǵys óńirlerinde burshaq jaýyp, batysynda kún ysıdy - Qazgıdromet
ASTANA. QazAqparat - 8 shilde kúni Qazaqstannyń basym bóliginde turaqsyz aýa raıy saqtalady, frontaldi bólikterdiń ótýine baılanysty keı jerlerde naızaǵaı oınap, jańbyr jaýyp, jel kúsheıedi.
Respýblıkanyń soltústik-shyǵysynyń, shyǵysynyń keı jerlerinde burshaq jaýýy yqtımal, dep habarlaıdy «Qazgıdromet».
Túnde el soltústiginiń keı jerlerinde tuman baqylanady. Aqmola, Soltústik Qazaqstan, Pavlodar, Shyǵys Qazaqstan, Qaraǵandy, Mańǵystaý oblystarynyń, kúndiz Jambyl, Ońtústik Qazaqstan, Atyraý, Batys Qazaqstan, Qostanaı oblystarynyń keı jerlerinde jel 15-22 m/s deıin kúsheıedi. Túnde Qostanaı, Soltústik Qazaqstan oblystarynyń keı jerlerinde tuman túsedi. Pavlodar, Shyǵys Qazaqstan oblystarynyń keı jerlerinde burshaq jaýýy yqtımal. Kúndiz Almaty, Jambyl oblystarynyń, Mańǵystaý, Atyraý, Batys Qazaqstan oblystarynyń keı jerlerinde qatty ystyq bolady. Aqtóbe, Qyzylorda oblystarynyń, Ońtústik Qazaqstan, Jambyl, Atyraý, Batys Qazaqstan, Qaraǵandy, Qostanaı, Almaty, Shyǵys Qazaqstan oblystarynyń basym bóliginde óte joǵary órt qaýpi saqtalady.
