Elimizdiń sheteldegi qaıta saqtandyrý syıaqysynyń kólemi 2012 jyly 48 mlrd. teńgeni qurady
ALMATY. 5 aqpan. QazAqparat - Úkimettiń qaıta saqtandyrýdy shet elderde emes, memlekettiń ózinde tıimdi etýge baǵyttalǵan is-sharalary óz nátıjesin berýde.
Bul týraly «Eýrazııa» saqtandyrý kompanııasy» AQ basshylary búgin Almatyda Qazaqstandaǵy saqtandyrý naryǵynyń 2012 jylǵy qorytyndysyna arnalǵan baspasóz máslıhatynda aıtty.
«2012 jyly sheteldegi qaıta saqtandyrý syıaqysynyń kólemi 48 mlrd. teńgeni qurady. 2011 jyly bul 55,6 mlrd. teńge bolatyn. Táýekeldi shetelde qaıta saqtandyrý bir jylda 4,8 paıyzǵa kemidi. Qazir ishki saqtandyrýdyń kólemi artýda. Eger 2011 jyly bul kórsetkish 14 mlrd. teńge bolsa, 2012 jyly 16,3 mlrd. teńgeni qurady. Ondaǵy ósim 19 paıyz. Bul biz úshin jaqsy kórsetkish», - deıdi Basqarma tóraǵasynyń orynbasary Nazym Týlchınskıı. Onyń aıtýynsha, qaıta saqtandyrýdaǵy «Eýrazııa» saqtandyrý kompanııasynyń úlesi 49 paıyz. Al rezıdent emesterde onyń úlesi 97 paıyzdy quraýda. Ótken jyly kompanııa rezıdent emesterden 9,9 mlrd. teńge mólsherde qaıta saqtandyrý syıaqysyn alǵan. Búgingi tańda ol is júzinde saqtandyrý qyzmetterin eksporttaıtyn jáne elge valıýta kirisin tartatyn birden-bir ulttyq qaıta saqtandyrýshy bolyp otyr.
