Elimizdiń segiz óńirinde aýa raıyna baılanysty eskertý jarııalandy
ASTANA. QazAqparat - Sınoptıkter elimizdiń birqatar óńirlerine aýa raıyna baılanysty eskertý jarııalady, dep habarlaıdy QazAqparat «Qazgıdromet» RMK baspasóz qyzmetine silteme jasap.
Batysta, ońtústikte, Aqtóbe oblysynyń ortalyǵynda ońtústik-shyǵystan jel soǵady, ekpini 15 m/s jetedi.
Atyraý oblysynyń soltústiginde, ońtústiginde, shyǵysynda ońtústik-shyǵystan jel soǵady, ekpini 15-20 m/s bolady. Atyraý qalasynda ońtústik-shyǵystan jel soǵady, túnde ekpini 15-20 m/s.
Jetisý oblysynyń Alakól aýdanynda ońtústik-shyǵystan 17-22 jel soǵady, ekpini 25 m/s jetedi.
Batys Qazaqstan oblysynda ońtústik-shyǵystan jel soǵyp, kúndiz batysta, oblystyń shyǵysynda ekpini 15-20 m/s jetedi.
Kúndiz Qyzylorda oblysynyń ortalyǵynda daýyl soǵady. Shyǵystan, soltústik-shyǵystan soǵatyn jel túnde oblys ortalyǵynda 15-20, kúndiz basym bóliginde 15-20, ekpini 23 m/s jetedi. Qyzylorda qalasynda daýyl, shyǵystan soǵatyn jeldiń kúshi 15-20 m/s.
Túnde batysta, kúndiz Mańǵystaý oblysynyń soltústiginde, shyǵysynda naızaǵaı oınaıdy. Oblystyń soltústiginde, ońtústiginde, shyǵysynda daýyl turady. Ońtústik-shyǵystan soǵatyn jel soltústik-batysqa aýysady, oblystyń basym bóliginde ekpini 15-20 m/s. Aqtaý qalasynda túnde naızaǵaı oınaıdy. Ońtústik-shyǵystan soǵatyn jel soltústik-batysqa aýysady, ekpini 15-20 m/s.
Pavlodar oblysynyń soltústiginde ońtústik-batystan jel soǵady, ekpini 15-20 m/s jetedi.
Túrkistan oblysynyń soltústiginde daýyl soǵady. Soltústik, batystan soǵatyn jeldiń kúshi oblystyń taýly aımaqtarynda 15-20, taýly aýdandarynda ekpini 23 m/s. Túnde oblystyń soltústiginde 2 gradýs aıaz. Túrkistan qalasynda shyǵystan soǵatyn jeldiń ekpini 15-20 m/s jetedi.
