Elimizdiń saılaý týraly zańyna bir ózgeris engiziledi
ASTANA. QazAqparat - Búgin QR Parlamenti Májilisiniń jalpy otyrysynda «Qazaqstan Respýblıkasyndaǵy saılaý týraly» QR Zańyn birinshi oqylymda maquldady. Atalǵan Zań týraly baıandamany QR Qarjy mınıstri Baqyt Sultanov jasady.
«Sizderdiń nazarlaryńyzǵa jalpyǵa birdeı deklaratsııalaý boıynsha zań jobasymen tyǵyz baılanystyrý maqsatynda ázirlengen «Qazaqstan Respýblıkasyndaǵy saılaý týraly» QR-dyń Konstıtýtsııalyq Zańyna ózgertýler men tolyqtyrýlar engizý týraly» konstıtýtsııalyq zań jobasy usynylyp otyr. Zań jobasymen saılanbaly laýazymǵa úmitker bolyp tabylatyn adamdar usynatyn deklaratsııanyń ataýyn «tabystar men múlki týraly deklaratsııa» degennen «aktıvteri men mindettemeleri týraly dekalartsııa» dep aýystyrý bóliginde ózgerister kózdelgen. Bul bir ǵana ózgertý», - dedi B.Sultanov.
