Elimizdiń professor, dotsentteriniń jazǵan búgingi kitaptary barlyq talaptarǵa saı, ári jaqsy pikirlerge ıe bolýda - R.Alshanov
ALMATY. Mamyrdyń 26-sy. QazAqparat /Ádilet Musahaev/ - Jyl saıyn qazaq bólimindegi balalardyń sany kóbeıip, olardyń sany 400 myńǵa jaqyndap qaldy. Al elimizdegi oqý oryndarda qazaqsha kitaptar tapshy. Bul jaıynda QR JOO-nyń qaýymdastyǵynyń prezıdenti, ekonomıka ǵylymdarynyń doktory, professor Rahman Alshanov jańadan shyqqan oqýlyqtardy kitaphanalarǵa tapsyrý rásimi kezinde aıtty,
dep habarlaıdy QazAqparat.
R. Alshanovtyń aıtýynsha tehnıka ǵylymy, medıtsına ǵylymy, dene shynyqtyrý jáne sport, mýzyka salasy boıynsha oqýlyqtar jetispeıdi. «Bolon» deklaratsııasyna baılanysty stýdentter ózderi kúndelikti daıyndalyp, oqýlary kerek. Alaıda kitaphanada oqýlyqtar jetispeı jatsa stýdenter qalaı oqıdy, mine osy másele sheshilmeı jatyr. Osy turǵyda «QazMunaıGaz» Saýda úıi joǵary oqý oryndaryna arnalǵan oqýlyq shyǵarý isine demeýshilik kómek retinde 5 mıllıon teńge bóldi. Sonyń nátıjesinde 5 myń taralymnan turatyn 8 kitap jaryqqa shyǵyp otyr», deıdi R.Alshanov.
Sonymen qatar ol qazirgi tańda qazaq tilinde 1900 adam kitap jazatyndyǵyn aıtady. «Elimizde myńdaǵan kompanııa bar, eger olar da qamqorlyq kórsetse qazaq tilindegi kitaptardyń máselesin sheshýge bolady dep oılaımyn. Elimizdiń professor, dotsentteriniń jazǵan búgingi kitaptary barlyq talaptarǵa saı, ári jaqsy pikirlerge ıe bolýda. Sondyqtan bul oqýlyqtarǵa suranys kóp bolyp otyr», dep atap ótti professor óz sózinde.
