Elimizdiń ońtústiginde kún 40 ºS deıin ysıdy
ASTANA. QazAqparat - «Qazgıdromet» 2017 jyldyń 20-22 shildesine arnalǵan aýa-raıy boljamyn jarııa etti.
Respýblıkamyzdyń ońtústik bóliginde kún alabultty, jaýyn-shashynsyz bolady. Aýa temperatýrasy azdaǵan ýaqyt qana tómen bolady da, artynan qaıta kóteriledi. Aldaǵy eki táýlikte, temperatýra +30...+38°C deıin, al 22 shildede keı jerlerde 41ºS deıin ysıdy dep boljanýda.
Qazaqstannyń soltústik bóliginiń jekelegen aýdandarynda nóser jaýyn jaýyp, jel kúsheıip, burshaq jaýýy da yqtımal. Aýa temperatýrasy normaǵa saı bolady, alaıda sınoptıkter 22 shildede keı jerlerde temperatýra +30...+35°S deıin joǵarylaıdy dep boljaýda.
