Elimizdiń ońtústiginde aýa raıyna baılanysty birqatar jol jabyldy
TÚRKІSTAN. QazAqparat - Elimizdiń ońtústiginde aýa raıynyń kúrt nasharlaýyna baılanysty birqatar jol jabyldy, dep habarlaıdy QazAqparat tilshisi.
Túrkistan oblysynda birneshe baǵyt boıynsha jol-kólik qozǵalysy toqtatylǵan.
Shymkent qalalyq TJD málimetinshe, qatty jel men joldarda boran soǵýyna baılanysty kesheden beri Sozaq aýdanyndaǵy oblystyq KH-56 jolynyń birqatar bóliginde kólik qozǵalysy toqtatylǵan.
«Jambyl-Qumkent-Sholaqqorǵan» jolynyń 39-76 shaqyrymy aralyǵy jáne Kentaý qalasynda oblystyq KH-56 «Jambyl-Qumkent-Sholakqorǵan» jolynyń 76-124 shaqyrymy aralyǵy jabyldy.
Sondaı-aq, saǵat 18:00-de Sozaq aýdanyndaǵy oblystyq KH-2 «Ulanbel-Sozaq-Ekpindi» avtojolynyń 603-643 shaqyrymy aralyǵynda, saǵat 19:00-de oblystyq KH-190 «Kentaý-Túrkistan-Sháýildir-Tórtkól» avtojolynyń 36-90 shaqyrymy aralyǵynda, saǵat 22:25-den bastap respýblıkalyq mańyzy bar M-32 «Samara-Shymkent» tas jolynyń 2 095 - 2 057 shaqyrymy aralyǵynda (Túrkistan qalasynan Qyzylorda oblysynan deıin) barlyq kólik túriniń júrýi toqtatyldy.
