Elimizdiń ońtústigi men Atyraý, Aqtóbe oblystarynda sý az bolýy múmkin
«Memleket basshysy Úkimettiń keńeıtilgen otyrysynda sý salasy máselesine taǵy da nazar aýdardy. Mınıstrlikke jańa Sý kodeksiniń jobasyn osy jyldyń qyrkúıek aıynda Prezıdent Ákimshiligine engizý tapsyryldy. Bizde ýaqyt óte az, jarty jyl qaldy. Sý salasy mamandaryn tarta otyryp, jańa Sý kodeksin tolyq jáne sapaly ázirleýdi qamtamasyz etýdi tapsyramyn. Bul máseleni qatań baqylaýda ustaýdy jáne apta saıyn apparat keńesterinde jumys barysy týraly baıandaýdy suraımyn», - dedi Serikqalı Brekeshev mınıstrliktiń alqa otyrysynda.
Onyń atap ótýinshe, ońtústik óńirlerde, sondaı-aq Atyraý men Aqtóbe oblystarynda sýdyń az bolý qaýpi joǵary.
«Osyǵan oraı tıisti oblystardyń basseındik ınspektsııalarynyń basshylary men «Qazsýshar» kásiporyny fılıaldary Sý resýrstary komıtetiniń basshylyǵymen ylǵal súıgishtigi tómen daqyldardy egý, sý aınalymy men sý óńdeýshi sýarý tehnologııalaryn qoldaný, agrotehnıkalyq jáne meleratsııalyq jumystar júrgizý jolymen ózenderdiń sý tapshylyǵy jaǵdaıynda sýdy utymdy paıdalaný týraly fermelermen aqparattyq túsindirý jumystary júrgizilsin. « Qazsýshar» kásipornyna kanaldardy jóndeý jáne mehanıkalyq tazalaý, basqa da jumystardy júrgizýdi qamtamasyz etýdi tapsyramyn», - dedi mınıstr.
