Elimizdiń onlaın-platformalaryndaǵy aqparat bıznesiniń aınalymy 10-15 mlrd teńge - mınıstrlik
ASTANA. QazAqparat – 2021 jyly onlaın-paltformalardaǵy aqparat bıznesiniń aınalymy 10-15 mlrd teńgeni qurady. Mundaı derek «Ashyq» NQA portalynda jarııalanǵan «Internet-jarnama jáne onlaın-platformalar týraly» Zań jobasyna qosymsha konsýltatıvtik qujatynda keltirilgen, dep habarlaıdy QazAqparat tilshisi.
«Búgingi tańda áleýmettik medıa aýdıtorııasynyń jáne ártúrli jelilik platformalardyń ósýine baılanysty kóptegen paıdalanýshylar aqparatty alyp qana qoımaı, sonymen birge belsendi kásipkerlik qyzmetpen aınalysady. Bul rette onlaın-platformalarda kommertsııalyq qyzmetti júzege asyratyn sýbektilerdi quqyqtyq úılestirý úshin zańnamalyq baza joq. Máselen, Qazaqstandaǵy aqparat bıznesiniń aınalymy 2021 jyly 10-15 mlrd teńgeni qurady. Osyǵan baılanysty halyqaralyq tájirıbeni eskere otyryp, eriktilik qaǵıdatyna negizdelgen onlaın-platformalardy paıdalanýshylardyń kásipkerlik qyzmetin quqyqtyq qamtamasyz etý oryndy», - delingen konsýltatıvtik qujatta.
Sonymen birge, qujatta byltyr «Taldaý jáne aqparat ortalyǵy» júrgizgen monıtorıng nátıjesinde onlaın-platformalardan anyqtalǵan quqyq buzýshylyqtar týraly derekter qamtylǵan.
