Elimizdiń óńirlerinde joldar qashan ashylady
NUR-SULTAN. QazAqparat – 1 mamyrdan beri qala aralyǵynda ushqan ushaqtardan vırýs juqtyrǵan fakti tirkelgen joq. Bul týraly Ortalyq kommýnıkatsııalar qyzmetinde eldegi koronavırýstyq ınfektsııa boıynsha aǵymdaǵy jaǵdaı, sonymen qatar Qazaqstandaǵy vaktsınalardyń sapasy men satyp alýlary týraly ótken brıfıngte aıtyldy, dep habarlaıdy QazAqparat tilshisi.
«Ózderińiz biletindeı, 1 mamyrdan beri elimiz ishindegi Nur-Sultan, Almaty, Petropavl, Semeı, Óskemen, Qyzylorda qalalaryna ushaqtyń ushýyna ruqsat etilgen. 1 mamyrdan beri qala aralyǵynda ushqan ushaqtardan vırýs juqtyrǵan fakti tirkelgen joq», - deıdi QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev.
Onyń aıtýynsha, el ishindegi qosymsha baǵyttardaǵy qozǵalys boıynsha sheshim óńirlerdegi epıdemıologııalyq jaǵdaıǵa baılanysty bolady.
«Bári karantın talaby qalaı saqtalǵanyna jáne sonyń nátıjesine baılanysty. Al shekara qashan ashylatynyn Úkimet sheshetin bolady. Ol da epıdemıologııalyq jaǵdaıǵa baılanysty», - dep atap ótti Tımýr Sultanǵazıev.
