Elimizdiń óńirlerinde jeke týrızm basqarmalaryn qurý týraly bastama kóterildi
ASTANA. QazAqparat - QR Investıtsııalar jáne damý mınıstrliginiń týrızm ındýstrııasy departamenti Qazaqstannyń óńirlerinen jeke ózindik týrızm basqarmalaryn ashý jóninde bastama kóterdi.
«2016 jyldyń sońynda týrızm jónindegi jedel jumys toby májilisiniń qorytyndysy boıynsha, QR Premer-Mınıstriniń birinshi orynbasary Asqar Mamınniń jetekshiligimen óńirlik ákimdikterge jekelegen týrızm basqarmalaryn qurý máselesin qarastyrý jóninde keńes berilgen»,-dep jazdy Facebook áleýmettik jelisindegi akkaýntynda QR Investıtsııalar jáne damý mınıstrliginiń Týrızm ındýstrııasy departamentiniń dırektory Marat Iǵalı.
Qazirgi tańda týrızm basqarmasy Almaty qalasy, Aqmola, Almaty jáne Mańǵystaý oblystarynyń ákimdikteriniń janynan qurylyp, jumys isteýde. Ózge óńirlerde oblystyq kásipkerlik basqarmalary men ındýstrıaldy-ınnovatsııalyq damý basqarmalarynyń qurylymdarynda ǵana týrızm bólimsheleri bar.
«BUU 2017 jyldy turaqty týrızmdi damytý jyly dep jarııalady. Osy rette óńirlik ákimdikterdiń qurylymdarynan jekelegen týrızm basqarmalaryn qurý - Qazaqstanda ishki týrızmdi júıeli túrde júzege asyrýǵa zor múmkindik beredi degen oıdamyn. Naqtyraq aıtqanda 2017 jyly ár óńirde týrızmdi damytýdyń júıeli josparyn qabyldaý men júzege asyrý sharalaryn bastaý usynylyp otyr»,-dedi Marat Iǵalı.
