Elimizdiń óńirlerinde kardıologııalyq ortalyqtar ashylýda
ASTANA. 7 qyrkúıek. QazAqparat - Aǵymdaǵy qyrkúıek aıynda Pavlodarda jańa kardıohırýrgııalyq ortalyq ashylady,
dep habarlady «Ulttyq kardıohırýrgııalyq ortalyq» AQ basqarma tóraǵasynyń orynbasary Mahabbat Bekbosynova pm.kz saıtyna bergen suhbatynda.
«Qazaqstan Respýblıkasynda kardıologııalyq jáne kardıohırýrgııalyq kómekti damytýdyń 2007-2009 jyldarǵa arnalǵan baǵdarlamasy óńirlerdegi kardıohırýrgııalyq bólimderdi damytýǵa nazar aýdarǵan bolatyn, sonyń arqasynda búginde elimizdiń barlyq óńirinde kardıologııalyq bólimder nemese kardıohırýrgııalyq ortalyqtar bar. Aǵymdaǵy qyrkúıek aıynda Pavlodarda kardıohırýrgııa ortalyǵy ashylady»,- dep habarlady M.Bekbosynova óz sózinde.
Mamannyń aıtýynsha, Aqtóbe men Almatyda, Taldyqorǵan, Semeı jáne Petropavlda, Shyǵys Qazaqstan men Ońtústik Qazaqstan oblystarynda mundaı ortalyqtar jumys istep jatyr.
«Mundaı ortalyqtardyń qurylysy óńirlerdegi turǵyndar úshin kardıohırýrgııalyq kómektiń qoljetimdiligin arttyra túsedi», - deıdi M.Bekbosynova.
