Elimizdiń oblystaryna jasóspirimder soty engiziletin bolsa, qosymsha 40 sýdıa men 114 qyzmetker qajet bolady

Bul týraly búgin QR Joǵarǵy sotynyń tóraǵasy Bektas Beknazarov jýrnalıstermen resmı baspasóz máslıhatyn ótkizý barysynda málim etti.

«Aldaǵy ýaqytta elimizde jasóspirimder sotyn engizý máselesi qaralatyn bolady. Elbasy buǵan qoldaý kórsetken bolatyn, Úkimet te durys kózqarasty ustanyp otyr. Sondyqtan da, elimizde jasóspirimder isin qaraıtyn arnaıy sot engiziletin bolsa, qosymsha 40 sýdıa men 114 sot mamandary qyzmetke keletin bolady», - dedi B. Beknazarov. Onyń aıtýynsha, bundaı ınstıtýttyń engizilýi elimizdegi sot júıesindegi júktemeni jeńildetedi. Ekinshiden, jasóspirimder isi erekshe yjdaǵattylyqty, muqııattylyqty, zerdelilikti talap etedi. Osyǵan oraı, biz aldaǵy ýaqytta jasóspirimder sotyn Astana men Almaty qalalarynda ǵana emes, barlyq oblys ortalyqtarynda engizýge umtylatyn bolamyz», - dedi Joǵarǵy sot tóraǵasy.