Elimizdiń Nıý-Iorktegi Bas konsýldigi 70 mln. dollar jymqyrǵan hakerlik topta qazaqstandyqtardyń bolǵandyǵy týraly aqparatty tekseredi
ASTANA. Qazanyń 4-i. QazAqparat /Marlan Jıembaı/ - Qazaqstannyń Nıý-Iorktegi Bas konsýldigi AQSh bankterinen 70 mıllıon dollar urlaǵan hakerlik topta qazaqstandyqtardyń da bolǵandyǵy týraly aqparatty tekseredi. Bul týraly búgin elordada ótken baspasóz máslıhaty barysynda QR Syrtqy ister mınıstrliginiń resmı ókili Asqar Ábdirahmanov málim etti.
«AQSh-taǵy hakerlerge qatysty BAQ-tarda jarııalanǵan aqparatty Qazaqstannyń Nıý-Iorktegi Bas konsýldigi teserýde. Eger kúdiktiler arasynda elimizdiń azamattary bolsa, onda bizdiń dıplomattar olardyń quqyqtary men bostandyqtaryn qamtamasyz etý úshin azamattarymyzdyń zańdy múddesin qorǵaý úshin sharalar qabyldaıdy», dedi resmı ókil.
Aıta keteıik, birqatar buqaralyq aqparat quraldarynyń habarlaýynsha, AQSh-tyń Federaldyq tergeý bıýrosy Amerıka bankterinen 70 mıllıon dollar urlaǵandyqtary úshin izdeý salynǵan kúdiktilerdiń tizimin jarııalaǵan. Kúdiktiler qatarynda Reseı, Moldova, Ýkraına, Belarýs jáne Qazaqstan azamattary bar. Sondaı-aq olarǵa tólqujat jáne basqa da qujattardy qoldan jasady, jeke málimetterdi urlady degen de aıyptar taǵylyp otyr.
