Elimizdiń munaı óńdeý zaýyttarynda qaıta óńdeý tarıfteri ósti
ASTANA. 18 qańtar. QazAqparat - «QazMunaıGaz - qaıta óńdeý jáne marketıng» aktsıonerlik qoǵamy ókilderiniń pikirlerinshe, elimizdegi munaı óńdeý zaýyttarynyń eńbekkerleri odan ári tehnologııalyq qaıta jańartý qajettiligine oraı týyndaǵan protsessıng stavkasyn kóbeıtý jóninde úlken jumys atqardy.
Aktsıonerlik qoǵam ókilderiniń osy másele boıynsha taratqan málimetterine qaraǵanda, Atyraý munaı óńdeý zaýytynda 1 tonna munaıdy qaıta óńdeý tarıfi 2010 jyly 3 360,47 teńgeden 7 462,0 teńgege deıin ósken. Sondaı-aq Pavlodar munaı óńdeý zaýytynda osy kórsetkish 3 947,0 teńdegen 4 992,74 teńgege deıin artty. Energııany únemdeý jónindegi is-sharalardy iske asyrý sheńberinde munaı óńdeý zaýyttaryndaǵy tehnologııalyq shyǵyndar 0,92 paıyzǵa tómendegen.
Munaı óńdeý zaýyttarynyń tıimdiligin arttyrý jáne respýblıkanyń ishki naryǵyn qajetti mólsherde joǵary sapaly munaı ónimderimen qamtamasyz etý maqsatynda birqatar irgeli sharalar atqaryldy. Mysaly Atyraý munaı óńdeý zaýytynda shatyr tıptes tozyǵy jetken peshtiń ornyna ELOÝ-AVT-3 P-1/1,1/2 jańa peshi paıdalanýǵa berildi. Bul qondyrǵy táýligine 7000-7800 tonnadan 8500-9000 tonnaǵa deıin nemese jylyna 3,5 mıllıon tonna ónim óndirýge múmkindik berdi. Sonymen qatar taýarly benzınniń ındýktsııalyq kezeńin normalanǵan kórsetkishterge sáıkestendirý maqsatynda «Agıdol-12» qyshqylǵa qarsy japsyrmasyn tartý retseptýrasy ázirlendi. «Agıdol» japsyrmasyn berýdiń toraby men syzbasy jasaldy. Bul munaı sapasyn jaqsartýǵa jáne «ındýktsııalyq kezeńdi» 180 mınýtten 600 mınýtke deıin arttyrýǵa múmkindik berdi.
Buǵan qosa taǵy - «DZp -15» qysqy dızeldi otynnyń sapalyq kórsetkishterin jaqsartý maqsatynda qoldanystaǵy fraktsııalardy ońtaıly tartý negizinde týra aıdaǵysh jáne gıdrotazalaǵysh deparafındelgen KGF daıyndaý retseptýrasy ázirlendi. Dızeldi otynnyń tómen temperatýralyq qasıetin jaqsartý úshin «Dodıfloý» japsyrmasyn berý jáne komponentterdi aralastyrý toraby jóndeldi. Bul DZp markaly taýarly dızeldi otyndy daıyndaý kezinde PTF-tf-ty mınýs 9°S-dan mınýs 15°S-ke deıin tómendetýge múmkindik berdi.
