Elimizdiń memlekettik ulttyq tabıǵat parkteri «2010-park sherýi» aktsııasyna qatyspaq
ALMATY. Naýryzdyń 30-y. QazAqparat /Ádilet Musahaev/ - Elimizdiń memlekettik ulttyq tabıǵat parkteri halyqaralyq tabıǵatty qorǵaý «2010-park sherýi» aktsııasy aıasynda qyzmet etetindikterin búgingi ótken baspasóz máslıhatynda málim etti,
dep habarlaıdy QazAqparat.
«Sharyn» ulttyq tabıǵat parkiniń Bas dırektory Tohtııam Bektemisovtyń aıtýynsha, olar bul sherýge altynshy ret qatysyp, ákimshilik pen mektepter aýmaǵynda kógaldandyrý jumystaryn júrgizbek.
«Bul sherý dúnıejúzi boıynsha óte belgili shara bolyp esepteledi. 2009 jyly atalmysh aktsııaǵa búkil aýdannyń ákimshiligi men oqýshylary, ekologııa salasynyń qyzmetkerleri birigip atsalysty. Shara aıasynda jańadan ashylǵan mektepterdiń tóńiregin kógaldandyrýǵa tegin 3 myńdaı kóshetter otyrǵyzdyq. Sondaı-aq aýdan ortalyqtary men saıa-baqtaryn kógaldandyrý jumystaryn júrgizdik», deıdi Bas dırektor.
Sonymen qatar, ol bıyl da osy sharany kólemdi túrde ótkizýdi josparlap, kógaldandyrý jumystaryna jastar men halyqty kóptep jumyldyratyndyǵyn jetkizdi.
«Bul qolǵa alynǵan óte jaqsy shara dep oılaımyn. Bizdiń parkke kelgen jastar ony aralap qana qoımaı, qoqys tazalap, ózderiniń kómegin tıgizýde», deıdi T.Bektemisov.
Sondaı-aq ol saıabaqqa týrısterdi kóptep tartý úshin bar múmkinshilikti jasap jatqandyǵyn aıtyp ótti.
«Parkimizge jylyna 3 myńdaı týrıst keledi. Olar tek bir kúndik kelip-ketýshiler esebinde. Bıyl olardyń sanyn kóbeıtý úshin kóptegen jumystar atqaryp jatyrmyz. Qyzmet kórsetý jaǵyn jaqsartý úshin qonaqúıler salyp, joldardy jóndeýdemiz», dep atap ótti óz sózinde Tohtııam Bektemisov.
Búgingi baspasóz máslıhatyna «Sharyn», «Altynemel», «Kólsaı kólderi» men Іle Alataýy memlekettik ulttyq tabıǵat parkteriniń Bas dırektorlary qatysyp, shara aıasynda atqarylatyn jumystarymen tanystyrdy.
