Elimizdiń mektepterinde «sońǵy qońyraý» soǵylady
ASTANA. QazAqparat - Búgin respýblıkamyzdyń mektepterinde oqý jylynyń aıaqtalýyna arnalǵan saltanatty jıyndar ótedi, dep habarlady QR Bilim jáne ǵylym mınıstrliginiń baspasóz qyzmetinen.
2015 jyly elimizdegi jalpy bilim berý mektepterinde 11 synypty aıaqtaıtyn túlekterdiń sany 124 myńnan asty.
2-15 maýsym aralyǵynda Ulttyq biryńǵaı testileýge 87 770 túlek qatysady.
2014-2015 oqý jylynyń qorytyndysy boıynsha «Altyn belgini» alýdan 4 498 túlek úmitti.
«Sońǵy qońyraýdyń» mektep ómirinde alatyn orny erekshe. Bul merekede túlekter balalyq shaqtarymen, altyn uıa mektepterimen jáne on bir jyl boıy tálim-tárbıe berip, bilim nárimen sýsyndatqan ustazdarymen qoshtasady.
