Elimizdiń mashına jasaý salasyndaǵy taýarlary Kedendik odaqtaǵy kórshilerimizdiń joǵary suranysyna ıe - UKP

ASTANA. QazAqparat - Elimizdiń mashına jasaý salasyndaǵy taýarlary Kedendik odaqtaǵy kórshilerimizdiń joǵary suranysyna ıe. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Ulttyq kásipkerler palatasynyń memlekettik satyp alý departamentiniń dırektory Aıgúl Qońyratbaeva aıtty.

«Kedendik odaqtaǵy kórshilerimiz bizdiń mashına jasaý salasyndaǵy taýarlarymyzǵa, máselen, júk kólikteri, 3 tonnaǵa deıin júk kóteretin kólikter, mobıldi burǵylaý qurylǵylary, temirjol vagondarynyń podshıpnıkteri, transformatorlar, keıbir jeńil ónerkásip ónimderi men hımııalyq ónimderine qyzyǵýshylyqtaryn bildirýde», - dep atap ótti ol.

Onyń aıtýynsha, eýrazııalyq ekonomıkalyq ıntegratsııa eń aldymen bızneske tıimdi.

«Qazaqstannyń 2013 jyly Keden odaǵy elderine shyǵarǵan eksportyn taldaıtyn bolsaq, elektrlik transformatorlar shyǵarý - 7,4 ese, traktorlar - 5,7 ese, júk kólikteri - 3,7 ese ósken», - dep atap ótti A.Qońyratbaeva.