Elimizdiń mal sharýashylyǵyndaǵy kórsetkishter ósti - QR AShM

NUR-SULTAN. QazAqparat – Bıylǵy jyldyń 9 aıynda mal sharýashylyǵynyń jalpy ónim kólemi 2 244,7 mlrd teńgeni qurady, bul ótken jyldyń sáıkes kezeńinen 3,7% - ǵa joǵary, dep habarlaıdy QazAqparat QR Aýyl sharýashylyǵy mınıstrliginiń baspasóz qyzmetine silteme jasap.

Baspasóz qyzmetiniń málimetterine qaraǵanda, 2021 jyldyń qańtar-qyrkúıek aılarynda mal sharýashylyǵyndaǵy ósim 2020 jylǵy qańtar-qyrkúıekpen salystyrǵanda respýblıkanyń 10 óńirinde baıqaldy.

1 qazandaǵy jaǵdaı boıynsha, ótken jyldyń sáıkes kezeńimen salystyrǵanda sharýashylyqtardyń barlyq sanattarynda iri qara mal sany 4,7% – ǵa ulǵaıdy.

Atalǵan kezeńde sharýashylyqtardaǵy soıylǵan mal men qustyń eti 844,0 myń tonnany qurady, bul ótken jyldyń tıisti kezeńimen salystyrǵanda 7,5% - ǵa kóp.

Osy rette sıyr eti óndirisi 4,9% - ǵa 361,3 myń tonnaǵa deıin, qoı eti 1,6% - ǵa 101,6 myń tonnaǵa deıin, jylqy eti 6,2% - ǵa 97,6 myń tonnaǵa deıin, qus eti 21,3% - ǵa 208,5 myń tonnaǵa deıin ulǵaıdy. Shoshqa eti óndirisi barlyq óńirlerde 3,6% - ǵa 56,8 myń tonnaǵa deıin tómendedi.

Sút boıynsha ımport almastyrýdy tómendetý jáne sút óńdeý kásiporyndaryn shıkizatpen qamtamasyz etý maqsatynda 2021 jylǵy 20 qazandaǵy jaǵdaı boıynsha 3 ónerkásiptik sút-taýar fermasy (Aqmola, Qostanaı, SQO) jáne 10 otbasylyq sút-taýar fermasy (Aqmola, Almaty, Qostanaı, Pavlodar, SQO, Shymkent qalasy) paıdalanýǵa berildi.

2021 jyldyń 1 qazanyndaǵy jaǵdaı boıynsha, respýblıkaǵa asyl tuqymdy 15 498 bas iri qara ákelindi, onyń ishinde sútti tuqymdar – 1 735 bas, sútti-etti – 3 611 bas, etti tuqymdar – 10 152 bas.

Aı saıynǵy monıtorıng negizinde 2021 jylǵy 1 qazandaǵy jaǵdaı boıynsha elimizde óndiris qýaty orta eseppen 50-den 10,0 myń mal ornyna deıin jáne jıyntyq qýaty 389,2 myń mal ornyna deıin saralanatyn.

Eldegi jaǵdaı boıynsha júrgiziletin aı saıynǵy monıtorıng negizinde aıtar bolsaq, barlyǵy 507 birlik bordaqylaý alańy jumys isteıdi, olardyń óndiristik qýaty orta eseppen 50-den 10,0 myńnan astam mal ornyna deıin jáne jıyntyq qýaty 389,2 myń mal ornyna deıin saralanady.

Óndiristik qýat boıynsha úzdik úsh óńir bar: BQO - 58,2 myń mal orny, Túrkistan oblysy - 46,4 myń mal orny jáne Almaty oblysy - 40,0 myń mal orny, olardyń úles salmaǵy jıyntyǵynda 37% (144,6 myń mal orny) quraıdy.

Búgingi kúni bordaqylaý alańdarynyń naqty júktemesi 35%-dy quraıdy. Aǵymdaǵy jyldyń basynan bastap bordaqylaýǵa 134,0 myń bas buqa tústi.