Elimizdiń qutqarýshylary kásibı merekesinde mınıstr qolynan syılyqtar aldy
ASTANA. 18 qazan. QazAqparat - Astanadaǵy Beıbitshilik jáne kelisim saraıynda Qutqarýshylar kúnine arnalǵan saltanatty sharada QR Tótenshe jaǵdaılar mınıstri Vladımır Bojko áriptesterin kásibı merekelerimen quttyqtady.
«Ózderiniń densaýlyǵyn, tipti keıbir jaǵdaıda ómirlerin qurban ete otyryp, bizdiń qutqarýshylarymyz asa qaýipti jerlerden azamattarymyz ben olardyń dúnıe-múlkin qutqaryp, elimizdiń ekonomıkalyq áleýetin qorǵap keledi. Qutqarýshylardyń erligi, batyldyǵy men óz boryshy aldyndaǵy adaldyǵyn qoǵam oryndy baǵalaıdy, al olar qutqarǵan adamdar men týǵan-týysqandarynyń qýanysh kóz jasy men sheksiz alǵystary bizge baǵa jetpes syılyq bolyp tabylady», - dedi mınıstr.
Kásibı mereke qurmetine tótenshe jaǵdaılardyń aldyn alý jáne olardy joıý memlekettik júıesin damytý men nyǵaıtýǵa belsene qatysqany, Qazaqstan Respýblıkasyndaǵy tynys-tirshilik qyzmetiniń qaýipsizdigin qamtamasyz etý isinde jetken jetistikteri úshin Mınıstrliktiń kózge túsken qyzmetkerleri vedomstvolyq nagradalarmen marapattaldy. Sonymen qatar, mereke aıasynda arnaıy ótr sóndirý jáne qutqarý jabdyqtarynyń kórmesi ótkizildi.
