Elimizdiń quqyq qorǵaý organdary qansha adamdy izdestirýde
NUR-SULTAN. QazAqparat – 2016 jyldan beri elimizden 518 izdeýdegi adam basqa elderge berildi. Bul týraly Senattyń jalpy otyrysynda depýtat Nurlan Beknazarov málim etti, dep habarlaıdy QazAqparat tilshisi.
«Jalpy tıisti sharttar negizinde 2016 jyldan bastap 2021 jyldyń 1 toqsany aralyǵynda elimizden 518 izdeýdegi adam basqa elderge berildi. Tıisinshe elimizge izdeýde júrgen 346 adam qaıtaryldy. Bıyldyń 1 sáýirdegi jaǵdaıy boıynsha elimizdiń quqyq qorǵaý organdarymen izdestirýde 2 341 adam bar, onyń ishinde memleketaralyq izdestirýde - 750, halyqaralyq izdestirýde – 1 591 adam», - dedi senator.
Budan buryn habarlanǵandaı, búgin Senattyń jalpy otyrysynda «Qazaqstan Respýblıkasy men Soltústik Makedonııa Respýblıkasy arasyndaǵy adamdardy ustap berý týraly shartty ratıfıkatsııalaý týraly» jáne «Qazaqstan Respýblıkasy men Soltústik Makedonııa Respýblıkasy arasyndaǵy sottalǵan adamdardy berý týraly shartty ratıfıkatsııalaý týraly» , sondaı-aq «Qazaqstan Respýblıkasy men Soltústik Makedonııa Respýblıkasynyń arasyndaǵy qylmystyq ister boıynsha ózara quqyqtyq kómek týraly shartty ratıfıkatsııalaý týraly» zańdary qabyldandy.
2019 jyly Soltústik Makedonııamen sharttardyń tolyq paketine qol qoıyldy.
