Elimizdiń Qozǵalys jas ınspektorlary respýblıkalyq sletke daıyndalýda
ASTANA. 31 mamyr. QazAqparat - 1 maýsym - Dúnıejúzilik balalardy qorǵaý kúni qarsańynda Almaty oblysynda Qozǵalys jas ınspektorlarynyń (QJI) respýblıkalyq sletiniń ashylýy bolady,
onda Qazaqstannyń barlyq óńirlerinen jáne Astana jáne Almaty qalalarynan óńirlik jarystardyń jeńimpazdary, sondaı-aq Qyrǵyzstan jáne Reseı komandalary, barlyǵy 200-ge jýyq bala qatysady.
Bul týraly QR ІІM Jol polıtsııa komıtetiniń baspasóz qyzmeti habarlap otyr.
QJI-dyń negizgi mindetteri - balalar jáne jasóspirimder arasynda Jol qozǵalysy erejelerin nasıhattaý, joldarda balalar jaraqatyn eskertý.
Ótken jyly Almaty oblysynyń oblystyq komandasy saıystyń jeńimpazy bolyp tanylǵan edi, sondyqtan bıylǵy jarys Jetisýda ótkizilip otyr.
Slettiń baǵdarlamasynda 10 nomınatsııadan turatyn jarystar kózdelgen, olar: saptyq qaraý, jas retteýshiler, Jol qozǵalysy erejeleriniń bilgirleri, jas sanıtarshylar, bilimdarlar saıysy, jas nasıhatshylar, úgitbrıgadalar konkýrsy, jas tilshiler, komandırler konkýrsy jáne «Qaýipsiz dońǵalaq» velosıpedshiler jarysy.
