Elimizdiń qozǵalys jas ınspektorlary respýblıkalyq sletke daıyndalýda
ASTANA. 30 mamyr. QazAqparat - 1 maýsym - Dúnıejúzilik balalardy qorǵaý kúni qarsańynda Almaty oblysynda qozǵalys jas ınspektorlarynyń (QJI) respýblıkalyq sletiniń ashylýy bolady,
oǵan Qazaqstannyń barlyq óńirlerinen jáne Astana jáne Almaty qalalarynan óńirlik jarystardyń jeńimpazdary, sondaı-aq Qyrǵyzstan jáne Reseı komandalary, barlyǵy 200-ge jýyq bala qatysady, dep habarlady QR ІІM Jol polıtsııasy komıtetiniń baspasóz qyzmeti.
Slettiń negizgi mindetteri - balalar jáne jasóspirimder arasynda jol qozǵalysy erejelerin nasıhattaý, joldarda balalar jaraqatynyń aldyn alý.
Alǵashqy qozǵalys jas ınspektorlary 1973 jyly (QJI jasaǵyn qurý týraly BLKJO OK hatshylyǵy, KSRO Іshki ister mınıstrligi alqasynyń, KSRO Bilim berý mınıstrligi alqasynyń birlesken qaýlysymen qabyldandy) paıda boldy. 1978 jyly QJI jasaǵynyń Búkilodaqtyq sleti Dondaǵy Rostov qalasynda ótkizildi. Qazaqstanda QJI respýblıkalyq sletteri Almaty qalasynda 1982 jyly, Aqtóbe qalasynda 1987 jyly, 1989 jyly Qaraǵandy qalasynda ótkizildi. Qazaqstan táýelsizdik alǵannan keıin osyndaı sletter uzaq ýaqyt ótkizilgen joq. Al 2001 jyly Qazaqstan Respýblıkasynyń ІІM Jol polıtsııasy komıteti jas jol qozǵalysy ınspektorlarynyń qozǵalysyn qaıta jandandyryp, Qazaqstan Respýblıkasynyń tuńǵysh QJI sletin Almaty qalasynda ótkizýge bastamashylyq kórsetti. Sodan beri jas ınspektorlar jarysyn jyl saıyn ótkizý dástúrge aınaldy.
Ótken jyly Almaty oblysynyń oblystyq komandasy saıystyń jeńimpazy bolyp tanylǵan edi, sondyqtan bıylǵy jarys Jetisýda ótkizilip otyr.
Slettiń baǵdarlamasynda 10 atalymnan turatyn jarystar kózdelgen, olar: saptyq qaraý, jas retteýshiler, jol qozǵalysy erejeleriniń bilgirleri, jas sanıtarshylar, bilimdarlar saıysy, jas nasıhatshylar, úgit brıgadalary konkýrsy, jas tilshiler, komandırler konkýrsy jáne «Qaýipsiz dońǵalaq» velosıpedshiler jarysy.
Jas ınspektorlar qozǵalysy, onyń sletteri, konkýrstary jalpy bilim berý protsesin tereńdetýge yqpal jasaıdy, ósip kele jatqan urpaqtyń mádenı deńgeıine edáýir ıgi áser etedi, kishkentaı azamattardyń ómiri men densaýlyǵyn saqtaýǵa kómektesedi, balalar jol-kólik jaraqatynyń jaǵdaıyna oń áser etedi.
Ómir bir orynda turyp qalmaıdy. QJI qozǵalysy jumystyń jańa baǵyttarymen baıydy, odan saıyn aýqymdy, qyzyqty jáne paıdaly bola bastady. «Qozǵalys jas ınspektorlary» asqaq ataýy bar balalar, Otanynyń laıyqty azamattary bolyp ósedi, qaıyrymdy ómir saltynyń, aınaladaǵylarǵa syılastyq qatynasta seriktes bolady, búgingi kúnde joldarda tártipti jáne qaýipsizdikti qamtamasyz etetinderge laıyqty urpaq bolady.
Slet 7-shi maýsymǵa deıin sozylady.
