Elimizdiń kóshi-qon zańdarynyń oryndalýyn teksergen prokýratýra ókilderi 2 myńnan astam zań buzýshylyqtardy anyqtady
ASTANA. 1 qyrkúıek. QazAqparat /Aıdar Ospanalıev/ - Elimizdiń kóshi-qon salasyndaǵy zańdardyń oryndalýyn teksergen prokýratýra ókilderi 2 myńnan astam zań buzýshylyqtardy anyqtady.
Bul týraly búgin jýrnalıstermen bolǵan brıfıngte Bas prokýratýranyń resmı ókili Jandos Ómiralıev málim etti.
Onyń derekteri boıynsha, prokýratýra ókilderi tekserý jumystarynyń nátıjeleri boıynsha, oryn alǵan kemshilikterdi joıý jóninde quzyrly organdarǵa 129 usynym engizgen. Sondaı-aq 155 adamdy túrli qylmystyq jaýapqa tartqan. «Bas prokýratýra kóshi-qon salasyndaǵy memlekettik organdardyń jumystarynyń ózekti másele bolyp otyrǵandyǵyna baılanysty bul problemany Zańnyń, quqyqtyq tártiptiń jáne qylmyspen kúres talaptarynyń saqtalýy qamtamasyz etý jónindegi úılestirý keńesiniń otyrysynda qarady»,-dedi resmı ókil.
