Elimizdiń kóptegen aýmaqtarynda jaýyn jaýady, ońtústik pen shyǵys jaýyn-shashynsyz
ASTANA. 8 shilde. QazAqparat - Qazaqstannyń kóptegen aýmaqtarynda atmosferalyq aǵyndardyń ótýine baılanysty azdaǵan jaýyn-shashyn jaýyp, kún kúrkireıdi.
Respýblıkanyń ońtústigi men shyǵysy jaýyn-shashynsyz bolady dep kútilýde. Bul týraly Qazgıdromettiń málimetterine silteme jasaı otyryp, QR Tótenshe jaǵdaılar mınıstrliginiń baspasóz qyzmeti habarlady.
Atyraý, Qostanaı, Soltústik Qazaqstan, Aqmola, Jambyl, Ońtústik Qazaqstan, Qyzylorda oblystarynda kún qatty ysıdy, Mańǵystaý, Aqtóbe, Qaraǵandy oblystarynyń keı jerlerinde de kún ystyq bolady.
Qyzylorda, Ońtústik Qazaqstan óńirinde, Jambyl, Aqtóbe, Qaraǵandy, Atyraý, Batys Qazaqstan oblystarynyń keı jerlerinde, Almaty oblysynyń soltústiginde kún óte qatty ysyp, órt qaýpi bolady.
Aldaǵy úsh kúnde Almaty, Ońtústik Qazaqstan, Jambyl jáne Shyǵys Qazaqstan oblystarynyń taýly ózenderinde sý deńgeıi kóteriledi. Qazaqstannyń basqa sý nysandarynda aıtarlyqtaı ózgerister bolmaıdy, dep habarlaıdy aýa raıyn boljaýshylar.
