Elimizdiń kóptegen aýmaǵynda jel turyp, qar jaýyp, tuman túsýi múmkin - 13 naýryzǵa arnalǵan aýa raıy boljamy
ASTANA. 12 naýryz. QazAqparat - 13 naýryz kúni Qazaqstannyń kóptegen aýmaǵynda áli de aýa raıy turaqsyz bolyp, jel kúsheıip, qar jaýady, tuman túsýi múmkin.
Respýblıkanyń ońtústik-shyǵys bóliginde jaýyn-shashyn, kóktaıǵaq bolýy yqtımal, dep habarlaıdy Qazgıdrometke silteme jasaǵan QR TJM-niń baspasóz qyzmetinen.
Shyǵys Qazaqstan, Qaraǵandy, Pavlodar, Soltústik Qazaqstan, Qostanaı, Qyzylorda, Mańǵystaý oblystarynyń keıbir jerlerinde tuman túsedi dep kútilýde.
Aqtóbe, Batys Qazaqstan oblystarynda keıbir jerlerde 15-20 m/s jyldamdyqpen jel soǵýy múmkin.
Atyraý, Almaty oblystarynda keıbir jerlerde tuman túsip, kóktaıǵaq bolady, jel jyldamdyǵy sekýndyna 15-20 metrge deıin kúsheıedi dep kútilýde.
Ońtústik Qazaqstan, Aqmola oblystarynda - keıbir jerlerde tuman túsip, 15-20 m/s jyldamdyqpen jel soǵady.
Jambyl, Mańǵystaý oblystarynyń jekelegen aýdandarynda tuman, kóktaıǵaq bolady dep kútilýde.
Jaqyn táýlikterde Ońtústik Qazaqstan, Jambyl, Almaty jáne Shyǵys Qazaqstan oblystarynyń ózenderinde sý deńgeıleriniń aýytqýlary baıqalady.
