Elimizdiń konkımen júgirý sporty boıynsha jastar quramasy álem kýbogyna qatysady
ASTANA. Qańtardyń 15-i. QazAqparat - Qazirgi ýaqytta elimizdiń konkımen júgirý sporty boıynsha jastar quramasy Italııada, onda qańtardyń 23-inde jastar arasyndaǵy álem kýbogy bastalady.
Bul aqparatty «Bizdiń sport» saıty taratyp otyr.
Aıta keteıik, jastar arasyndaǵy álem kýbogynyń birinshi kezeńi ótken jyly qarashanyń 21-22-sinde Golandııanyń Grenengen qalasynda ótken bolatyn. Baıraqty básekeniń ekinshi kezeńi Italııanyń Kollalbo qalasynda qańtardyń 23-24-inde, al sońǵy kezeńi Bazelga dı Pın qalasynda qańtardyń 30-31-i aralyǵynda ótpek.
Atalǵan jarystarǵa Qazaqstan atynan 6 qyz ben 4 bozbala qatysady.
Jarys aıaqtalǵannan keıin olar Reseıdiń Chelıabi qalasyna baryp, jastar arasyndaǵy konkımen júgirý sporty boıynsha álem chempıonatyna daıyndyqtaryn jalǵastyrýy múmkin.
