Elimizdiń kómir óndirýshileri kómirdi bırja arqyly satylatyn taýarlar tizbesine kirgizýge narazy
ASTANA. Naýryzdyń 3-i. QazAqparat /Marlan Jıembaı/ - Elimizdiń kómir óndirýshileri Indýstrııa jáne saýda mınıstrliginiń kómirdi bırja arqyly satylatyn taýarlar tizbesine kirgizýine qarsy.
Bul týraly búgin elordada ótken baspasóz máslıhatynda Respýblıkalyq ken óndirýshi jáne ken metallýrgııa kásiporyndary qaýymdastyǵy atqarýshy dırektorynyń orynbasary Tólegen Muqanov aıtty.
Onyń aıtýynsha, qazirgi ýaqytta elimizde áleýmettik salalarǵa, mekemelerge beriletin kommýnaldyq-turmystyq kómir 15-20 mıllıon tonnaǵa jetip otyr. Máselen, «Shubarkól kómir» aktsıonerlik qoǵamy jylyna 6 mıllıon tonna kómir óndiretin bolsa, sonyń 3 mıllıondaıy kommýnaldyq-turmystyq jaǵdaılarǵa beriledi. «Al bırja arqyly satylatyn taýarlar tizbesine kirgizsek, kómir óndiretin kásiporyndarǵa qandaı kedergi keltiredi desek, birinshiden qazirgi ýaqytta kásiporyndar kómir alatyn mekemelermen uzaq merzimdi kelisimshart arqyly jumys isteıdi. ıAǵnı, kómir alatyn mekemeler belgili. Olar sol arqyly jyl boıy qajetti kómirin óndire alady. Satylymǵa shyǵarylǵan taýardyń aqshasy da ýaqytymen túsip otyrady. Al bırja maýsymmen jumys isteıdi. Ol qyrkúıek, qarasha aılarynda bastalatyn bolsa, atalǵan kezeńde kásiporyn 3 mıllıon tonna kómirdi óndire almaıdy. Demek, kómir óndirý 30 paıyzǵa deıin kemıdi», dedi ol óz sózinde.
Sondyqtan kómirdi bırja arqyly satýǵa shyǵarýǵa qarsy ekendigin jetkizgen onyń sózine qaraǵanda, elimizdegi osy saladaǵy kásiporyndarynyń basshylary qol qoıǵan úndeý ázirlenip, ol Úkimetke jiberilmek.
«Bırja jasalǵan kelisimsharttan 0,1 paıyz, al brokerler satylǵan kómirdiń qunynan 2 paıyzǵa deıin syıaqy alady. Bul kómir baǵasyna áser etip, qymbattaýy múmkin», dep túıindedi sózine T.Muqanov.
Baspasóz máslıhatyn uıymdastyrýshylardyń pikirinshe, bul qujat elimizdiń «Jeke kásipkrlik týraly» zańyn buza otyryp, kómir óndirýshilerdiń ýájin eskermeı, tek bırjashylardyń múddesi úshin jasalyp otyr. Sondaı-aq olar kómir elimizdiń energııalyq teńgeriliminiń 78 paıyzyn quraıtyndyǵyn alǵa tartyp, daǵdarystan keıingi kezeńde áleýmettik mańyzy bar taýarmen tájirıbe ótkizý orynsyz dep sanaıdy.
